Правілы прыёму (залічэння) асоб для атрымання агульнай сярэдняй адукацыі ў дзяржаўнай установе адукацыі "Гімназія з беларускай мовай навучання № 23 г.Мінска" (далей – Гімназія) у 2023/2024 навучальным годзе
У гімназію для засваення зместу адукацыйнай праграмы сярэдняй адукацыі, прымаюцца (залічваюцца) асобы, якія атрымалі агульную базавую адукацыю.
Прыём (залічэнне) вучняў у X клас гімназіі на свабодныя месцы для засваення зместу адукацыйнай праграмы сярэдняй адукацыі ажыццяўляецца ў адпаведнасці з кантрольнымі лічбамі прыёму па конкурсе на падставе вынікаў выніковай атэстацыі па вучэбных прадметах, якія выбраны для вывучэння на павышаным узроўнівучнямі, якія выказалі жаданне ўдзельнічаць у конкурсе.
Кантрольная лічба прыёму ў Х клас гімназіі ў 2023/2024 навучальным годзе, складае 27 чалавек.
Заява ў X клас гімназіі падаецца ў прыёмную камісію ў перыяд з 12 чэрвеня па 10 жніўня 2023 года.
У заяве павінны быць указаны вучэбныя прадметы (не больш за два), якія выбраны вучнем для вывучэння на павышаным узроўні ў рамках арганізацыі профільнага навучання ў гімназіі.
У 2023/2024 навучальным годзе запланавана адкрыццё аднаго класа па мадэлі 2:
"Матэматыка" і " Замежная мова" (англійскай або кітайская) на павышаным узроўні (1 група - мытнікі);
"Беларуская мова» і "Замежная мова" (англійскай або кітайская) на павышаным узроўні (2 група).
Пры прыёме (залічэнні) у X клас гімназій для засваення зместу адукацыйнай праграмы сярэдняй адукацыі прад'яўляюцца наступныя дакументы:
пасведчанне аб агульнай базавай адукацыі (даведка аб навучанні ў гэтым выпадку не прад'яўляецца);
заява вучня або яго законнага прадстаўніка (з указаннем абранага профілю);
дакумент, які сведчыць аб асобе вучня;
медыцынская даведка аб стане здароўя;
дакументы, якія пацвярджаюць права на льготы (пры наяўнасці льгот).
Асобы, якія маюць права на льготы пры прыёме (залічэнні) у гімназію
1. Па-за конкурсам пры паступленні ў гімназіі для засваення зместу адукацыйнай праграмы сярэдняй адукацыі залічваюцца пераможцы (дыпломы I, II або III ступені) заключнага этапу рэспубліканскай алімпіяды па вучэбных прадметах, праведзенай Міністэрствам адукацыі ў навучальным годзе, які завяршаецца ў год прыёму (залічэння), па вучэбных прадметах у адпаведнасці з пералікам згодна з дадаткам.
2. Пераважнае права пры роўнай колькасці балаў на прыём (залічэнне) у гімназіі для засваення зместу адукацыйнай праграмы сярэдняй адукацыі ў парадку пералічэння маюць:
2.1. пераможцы (дыпломы I, II або III ступені) рэспубліканскіх конкурсаў работ даследчага характару (канферэнцый) вучняў па вучэбных прадметах, праведзеных Міністэрствам адукацыі ў навучальным годзе, які завяршаецца ў год прыёму (залічэння), па вучэбных прадметах у адпаведнасці з пералікам згодна з дадаткам;
2.2. пераможцы (дыпломы I, II або III ступені) трэцяга (абласнога, Мінскага гарадскога) этапу рэспубліканскай алімпіяды па вучэбных прадметах, праведзенай Міністэрствам адукацыі ў навучальным годзе, які завяршаецца ў год прыёму (залічэння), па вучэбных прадметах у адпаведнасці з пералікам згодна з дадаткам;
2.3.асобы, якія маюць па выніках выніковай атэстацыі ў год прыёму (залічэння) больш высокі сярэдні бал па вучэбных прадметах, якія выбраны імі для вывучэння на павышаным узроўні ў рамках арганізацыі профільнага навучання;
2.4.асобы, якія маюць больш высокі сярэдні бал па выніках выніковай атэстацыі ў год прыёму (залічэння).
Парадак правядзення конкурсу і прыёму (залічэння) абітурыентаў у Гімназію у 2023/2024 навучальным годзе
Да конкурсу ў гімназію для засваення зместу адукацыйнай праграмы сярэдняй адукацыі дапускаюцца абітурыенты, у якіх у пасведчанні аб агульнай базавай адукацыі адзнакі па кожным з вучэбных прадметаў, якія вызначаны ў Гімназіі для вывучэння на павышаным узроўні, не ніжэй за 7 (сямі) балаў і сярэдні бал пасведчання аб агульнай базавай адукацыі (сярэдні бал выніковай атэстацыі за год (залічэння) – пры прыёме (залічэнні).
Да ўдзелу ў конкурсе не дапускаюцца асобы, якія маюць па выніках выніковай атэстацыі ў 2022/2023 навучальным годзе нездавальняючую ацэнку паводзін.
На месцы, якія засталіся пасля залічэння абітурыентаў на падставе льгот, залічваюцца абітурыенты па конкурсе на падставе вынікаў выніковай атэстацыі па вучэбных прадметах, якія выбраны імі для вывучэння на павышаным узроўні ў гімназіі, і сярэдняга бала выніковай атэстацыі ў год прыёму (залічэння).
Конкурс пры прыёме (залічэнні) у гімназію абітурыентаў ажыццяўляецца на падставе сумы балаў вынікаў выніковай атэстацыі па вучэбных прадметах, якія выбраны абітурыентамі для вывучэння на павышаным узроўні ў гэтых гімназіях, і сярэдняга бала выніковай атэстацыі ў год прыёму (залічэння).
Сярэдні бал выніковай атэстацыі ў год прыёму (залічэння) вызначаецца з дакладнасцю да дзесятых доляй адзінкі.
Пераважнае права пры роўнай колькасці балаў на прыём (залічэнне) у гімназію маюць абітурыенты, якія маюць ільготы.
На падставе рашэння прыёмнай камісіі не пазней 25 жніўня 2023 года дырэктарам гімназіі выдаецца загад аб прыёме (залічэнні) вучняў у гімназію згодна з кантрольнай лічбай прыёму.
У трохдзённы тэрмін рашэнне аб прыёме (залічэнні) абітурыентаў у гімназію даводзіцца да гэтых абітурыентаў (законных прадстаўнікоў непаўналетніх абітурыентаў) шляхам размяшчэння загаду на афіцыйным сайце гімназіі і на інфармацыйным стэндзе.
У выпадку датэрміновага спынення адукацыйных адносін па ініцыятыве вучня гімназіі, яго законнага прадстаўніка да 30 верасня 2023 года прыёму (залічэння) на вакантнае месца можа быць прыняты (залічаны) абітурыент, які не прайшоў па конкурсе.
раскрыть » / « свернуть