Прыгожыя выпускнікі, якія сталі галоўнымі дзеючымі асобамі ўрачыстай лінейкі, не хавалі сваіх эмоцый, як і іх бацькі і настаўнікі.

Дырэктар гімназіі Ірына Леанідаўна Пасюкевіч павіншавала выпускнікоў з гэтай знамянальнай падзеяй у іх жыцці, яна пажадала ім поспехаў у дарослым жыцці, а таксама знайсці свой шлях.

На свяце прысутнічала ганаровыя госці, якія прыйшлі павіншаваць нашых выпускнікоў:

Л.У. Доўнар, начальнік фінансавага аддзела адміністрацыі Савецкага раёна г. Мінска;

В.В. Назарава,чэмпіёнка Еўропы, прызёр чэмпіянату свету, пераможца Універсіяды, неаднаразовая чэмпіёнка свету па летнім біятлоне.

Шмат добрых слоў прагучала ў гонар выпускнікоў. Першакласнікі ўручылі ім памятныя падарункі ў выглядзе званочкаў.

Па даўняй традыцыі 11 клас перадаў 10 класу "Ключ ведаў", як сімвал пазнання ведаў у роднай гімназіі.

Завяршылася афіцыйная частка выпускам у неба галубоў, якія сімвалізуюць мір і чысціню. Атрымалася незвычайна, прыгожа і асабліва сімвалічна ў Год міра і стварэння.