Памер шрыфту
A- A+
Iнтэрвал памiж лiтарамі
Каляровая схема
A A A A
Дадаткова

Раздзелы сайта

Галоўная

Выхаваўчая работа

Новы год – адно з самых любімых святаў у дзяцей і дарослых. Але нават падчас святочнай весялосці не варта забываць пра бяспеку. Каб калядныя і навагоднія святы не былі азмрочаны пажарамі і іншымі надзвычайнымі сітуацыямі, ратавальнікі нагадаюць і раскажуць аб правілах у акцыі «Бяспечны Новы год!», якая пройдзе ў 4 этапы.

На першым з іх – з 2 па 6 снежня – работнікі МНС наведаюць тэрытарыяльныя цэнтры сацыяльнага абслугоўвання насельніцтва, дамы ветэранаў і інвалідаў, дзе пагавораць з людзьмі сталага ўзросту, а таксама санаторыі, дзе адпачывае дадзеная катэгорыя грамадзян.

Другі этап акцыі запланаваны на перыяд з 9 па 17 снежня. Мэтавай аўдыторыяй стануць вучні школ, дамоў-інтэрнатаў, а таксама сем’і, у якіх дзеці знаходзяцца ў сацыяльна-небяспечным становішчы. У тэматыку гутарак абавязкова ўвойдуць правілы выкарыстання піратэхнікі, правілы паводзін на лёдзе, эксплуатацыі электраабсталявання, і вядома ж, галоўныя складнікі бяспекі дзяцей у перыяд зімовых канікул. А да каго-небудзь з шматдзетных сем’яў нават змогуць прыехаць Дзед Мароз, Снягурка, роставыя лялькі і іншыя казачныя персанажы.

Таксама акцыя гэтага года будзе характэрна правядзеннем крэатыўнай і папулярнай рэкламнай кампаніі «Поўны адрыў». Сутнасць яе заключаецца ў тым, што ва ўстановах адукацыі, а таксама ў месцах верагоднага з’яўлення непаўналетніх (кінатэатры, гандлёва-забаўляльныя цэнтры) будуць размяшчацца рэкламныя аб’явы ў форме рукі. На кожным яе пальцы пададзены тэлефонны нумар гарадскога Цэнтра прапаганды. Датэлефанаваўшымся з просьбай аб куплі петард адкажа работнік МНС і раскажа аб небяспецы выкарыстання піратэхнікі.

На трэцім этапе з 18 па 24 снежня – у месцах продажу піратэхнічных вырабаў з’явяцца Пажарны Дзед Мароз, Снягурка і іншыя казачныя персанажы, якія нагадаюць пакупнікам хлапушак, феерверкаў і петард пра магчымыя наступствы падобных «забаў». На гэтым жа этапе дэсант бяспекі «прызямліцца» на лядовыя каткі, арэны і іншыя месцы масавага катання.

Чацвёрты, фінальны этап, стане традыцыйна самым масавым і пройдзе з 26 па 31 снежня. Лакацыяй стануць месцы масавага знаходжання людзей – гэта адкрытыя пляцоўкі, буйныя гандлёвыя цэнтры, рынкі, дзіцячыя забаўляльныя цэнтры і г.д. З насельніцтвам пагавораць ў максімальна даступнай форме, павіншуюць з надыходзячымі святамі, нагадаюць правілы бяспекі, раздадуць пазнавальную наглядна-выяўленчую прадукцыю МНС, правядуць тэматычныя віктарыны, конкурсы, латарэі і многае іншае.