У адпаведнасці з п. 43-1, 78-80, 84, 86, 89-92, 95 Палажэння аб установе агульнай сярэдняй адукацыі, зацверджанага пастановай Міністэрства адукацыі Рэспублікі Беларусь ад 20 снежня 2011 г. № 283 (у рэдакцыі пастаноў Міністэрства адукацыі ад 04.02.2014 № 9, ад 10.04.2014 № 38, ад 27.11.2017 № 148, ад 03.03.2018 № 10, ад 02.12.2019 №180, ад 06.08.2020 № 214, ад 09.11.2021 № 243), прыём асоб для навучання ў X клас на свабодныя вучнеўскія месцы ажыццяўляецца па конкурсе ў адпаведнасці з заканаўдаўствам.
Асоба, якая выказала жаданне прыняць удзел у конкурсе для атрымання сярэдняй адукацыі, падае ў прыемную камісію адпаведнай установы:
1. Заяву на імя дырэктара гімназіі (заяву можа напісаць законны прадстаўнік вучня) аб удзеле ў конкурсных іспытах з указаннем вучэбных прадметаў, якія жадае вывучаць на павышаным узроўні ў адпаведнасці з вучэбным планам дадзенай установы агульнай сярэдняй адукацыі, з 11 па 17 жніўня года прыёму.
2. Пасведчанне аб агульнай базавай адукацыі (сярэдні бал пасведчання аб агульнай базавай адукацыі не ніжэй за 7 балаў, адзнакі па вучэбных прадметах, якія выказалі жаданне вывучаць на павышаным узроўні, не ніжэй за 7 балаў.
3. Пасведчанне аб нараджэнні (пашпарт) або дакумент, які сведчыць аб асобе.
4. Медыцынскую даведку аб стане здароўя.
5. Дакументы, што пацвярджаюць права асобы на льготы пры прыёме для атрымання сярэдняй адукацыі (пры наяўнасці права на льготы).
Вучні, якія прымаюць удзел у конкурсных іспытах у X клас гімназій Савецкага раёна г.Мінска, прыходзяць на ўступныя іспыты за 30 хвілін да пачатку.
Вучні з сабой павінны мець:
дакумент, які пацвярджае асобу (пашпарт),
шарыкавую ручку з сінім або фіялетавым стрыжнем,
просты аловак, лінейку, гумку, цыркуль, транспарцір (на ўступныя іспыты па матэматыцы).
Конкурсныя іспыты ў X клас праводзяцца на базе адной з устаноў адукацыі Савецкага раёна г.Мінска, якая вызначаецца ўпраўленнем па адукацыі адміністрацыі Савецкага раёна г.Мінска:
19.08.2022 і 22.08.2022;
24.08.2022 — рэзервовы дзень.
разгарнуць » / « згарнуць