ДЗЯРЖАЎНАЯ ЎСТАНОВА АДУКАЦЫІ «МІНСКАЕ ГАРАДСКОЕ КАДЭЦКАЕ ВУЧЫЛІШЧА» аб'яўляе набор вучняў (юнакоў) з устаноў агульнай сярэдняй адукацыі горада Мінска ў 8 класы і дабор у 10 класы на 2021/2022 навучальны год.
Тэрміны падачы дакументаў: з 1 па 15 чэрвеня.
Дакументы, што падаюцца ў прыёмную камісію:
заява бацькоў (законных прадстаўнікоў) на імя дырэктара ДУА «Мінскае гарадское кадэцкае вучылішча» з указаннем прадметаў, па якіх кандыдаты здаюць уступныя экзамены (бланк выдаецца на месцы);
сведчанне пра народзіны ці пашпарт грамадзяніна Рэспублікі Беларусь (копіі);
ведамасць гадавых адзнак з класнага журнала за апошні год навучання (за 7 клас) з выведзеным сярэднім балам (акругленым да дзясятых долей ліку) за подпісам кіраўніка ўстановы агульнай сярэдняй адукацыі;
сведчанне аб агульнай базавай адукацыі (для паступаючых у 10 клас);
медыцынская даведка пра стан здароўя кандыдата (выдаецца ў паліклініцы па месцы жыхарства доктарам-педыятрам) аб прыдатнасці для навучання ў кадэцкім вучылішчы;
характарыстыка з месца навучання за подпісам кіраўніка ўстановы агульнай сярэдняй адукацыі (з указаннем, ці знаходзіцца кандыдат на якіх-небудзь відах прафілактычнага ўліку);
дакументы, што пацвярджаюць права кандыдата на льготы пры прыёме ў кадэцкае вучылішча (пры наяўнасці права на льготы);
4 фатаграфіі памерам 3x4 см (без галаўнога ўбору) з месцам для адбітка пячаткі ў правым ніжнім куце;
сшытак у клетку, сшытак у лінейку, папка-хуткасшывальнік, 5 файлаў, канверт.
Ад імя непаўналетняга кандыдата заява можа быць пададзена яго законным прадстаўніком.
З 21 па 30 чэрвеня праводзяцца псіхалагічны адбор, праверка ўзроўня фізічнай падрыхтоўкі і ўступныя іспыты (матэматыка, руская /беларуская мова).
Адрас вучылішча: Мінская вобласць, Мінскі раён, Бараўлянскі сельскі савет, 6.
Тэлефон прыёмнай камісіі: 8 017 2720989.
Больш дэтальна з інфармацыяй пра ўмовы паступлення і навучання ў кадэцкім вучылішчы можна азнаёміцца на сайце >>>
разгарнуць » / « згарнуць